OSAGAIAK

Ahatea:
Ahate-bularkiak, 2

Ahate-saltsa:
Ahate hezurrak edo txatalak, 200 g
Tipula, 100 g
Azenarioa, 50 g
Ereinotza, 1 hosto
Oilasko-salda, 1 l
Gatza
Piperbeltza

Azalore arraspatua:
Azalorea, 200 g
Oliba-olioa
Gatza

Azalore eta Gaxure purea:
Azalorea, 200 g
Gurina, 50 g
Gaxure, 100 g
Gatza

Muntatu eta zerbitzatzeko:
Albaka-loreak, 32 ale

ERREZETA

Ahate-bularkiak egiteko:
Jarri zartagin batean bi ahate-bularkiak, azalaren aldetik, guztiz xigortuta eta kurruskari egon arte. Gorde geroko.

Ahate-saltsa egiteko
Sartu hezurrak eta txikitutako barazkiak lata batean. Sartu labean 180°C-tan, 20 minutu, ondo gorritu arte. Eltze batera pasatu eta oilasko-saldarekin estali. Ondu piperhautsarekin eta ereinotzarekin. Erdira gutxitzen denean, iragazki fin batetik pasatu eta saltsa-testura eman arte ekin. Ondu gatzarekin.

Azalore arraspatua egiteko:
Birringailu lodi batekin, azalorea birrinduko dugu, kus-kusaren testura izan arte. Ondu oliba-olio tanta batzuekin eta gatzarekin.

Azalore eta Gaxure purea egiteko:
Zartagin batean, urtu gurina urre-kolorea eduki arte. Gehitu zati handitan zatitutako azalorea eta ondo gorritu alde guztietatik. Irabiagailu elktrikoarekin ondo prozesatu eta Gaxure gehitu. Prozesatzen edo lantzen jarraitu, pure leun eta tinkoa lortu arte.

Muntatu eta zerbitzatu:
Berotu ahatea haragiaren aldetik, 40°C hartu arte. Zatitu eta glasatu saltsarekin. Albo batean, azalore- eta Gaxure-purea zerbitzatu eta azalore arraspatuarekin estali. Albaka-loreekin ondu.